Барселона на домашен терен ја победи Селта (3:2) во натпреварот од 6. коло на шпанското фудбалско првенство. Каталонците победија со резултатски пресврт, иако до 81. минута губеа со 0:2.
Така, Барселона стана првиот клуб во шпанскиот шампионат по 22 години кој направил пресврт, губејќи со два гола разлика во 81. минута.
Последен пат Атлетик Билбао направи ваков резултатски пресврт во ноември 2001 година, совладувајќи ја Селта (3:2).
Барселона има 16 бодови и е на првото место во Ла Лига. Реал Мадрид има 15 бода и еден натпревар помалку.
