Најмалку три лица се приведени откако избувнаа судири во делот на шведскиот град Малме населен со имигранти, кои се случија откако антиисламскиот активист Салван Момика запали копија од Куранот, соопшти денеска шведската полиција.
Полицијата во третиот по големина град во Шведска соопшти дека нивните полицајци биле гаѓани со камења, а десетици автомобили биле запалени.
Овие настани, кои започнаа во неделата, а продолжија во текот на ноќта, полицијата ги опиша како „насилен бунт“.
Гневна група луѓе, претежно млади луѓе, утринава запали гуми и остатоци, а некои фрлаа електрични скутери, велосипеди и бариери во квартот Розенгорд во Малме, каде и претходно избувнаа вакви конфликти.
Момика, бегалка од Ирак, го сквернави Куранот за време на серијата антиисламски протести, главно во Стокхолм, што предизвика бес во многу муслимански земји.
Шведската полиција дозволила такви акции, повикувајќи се на слободата на говорот.
