Тишина, заборавена папуча и ретки случајни минувачи, ова е сликата што секојдневно се гледа на мостот на булевар АСНОМ кој се уште не е довршен.
![](https://24info.mk/wp-content/uploads/2023/09/Мост-АСНОМ-2.jpeg)
Започнат и повеќе од половината од проектот завршен во времето на градоначалникот Петре Шилегов, овој мост требаше да го олесни поврзувањето меѓу општините Аеродром и Гази Баба, но до денеска тој се уште е надвор од употреба.
Актуелната градоначалничка Данела Арсовска првично велеше дека мостот ќе служи само за фаќање риба, потоа се премисли и реши да ја продолжи неговата изградба но очигледно повторно се предомислила.
![](https://24info.mk/wp-content/uploads/2023/09/Мост-АСНОМ-3-1024x768.jpeg)
24инфо утрово испрати прашања до Арсовска до каде е експропријацијата за околните куќи и дали и кога ќе продолжи, но до овој момент се уште нема одговор.
Истовремено, и мостот на улица Беласица веќе неколку месеци е надвор од употреба, поради несанирани штети од пожарот, па сега луѓето кои патуваат на релација Аеродорм – Гази Баба и обратно имаат сериозни проблеми во секојдневното функционирање.
![](https://24info.mk/wp-content/uploads/2023/09/Мост-АСНОМ-1-1024x768.jpeg)