Московскиот суд денеска ја казни компанијата Гугл со три милиони рубљи или околу 29.300 евра, објави весникот „Комерсант“ на својот канал „Телеграм“.
Гугл е казнет затоа што не отстранил контроверзно видео поврзано со конфликтот во Украина.
Ова не е прв спор на Google со руските власти.
Во јуни рускиот суд го казни Гугл со 43,25 милиони евра поради неплаќање на надоместокот што претходно го утврди Федералната антимонополска служба (ФАС) на Русија, пренесе ТАСС.
Во мај судот во Москва утврди и дека Гугл мора да плати 36.000 евра за неотстранување на содржини кои шират „ЛГБТ пропаганда“.
