Синоќа е откриено сквернавење на споменикот на загинатиот бранител во борбите во кумановско Диво Насеље, Горан Стојменовиќ како и на иконите кои се дел од осветениот крст поставен во истиот парк во Инџиково.
Информацијата на Фејсбук, заедно со фотографии ги објави градоначалникот на Гази Баба, Бобан Стефковски упатувајќи наостра осуда и побара итно и неодложно превземање на сите законски дејствија од страна на Министерството за внатрешни работи и час поскоро сторителите на овој чин да бидат изведени пред лицето на правдата.
![](https://24info.mk/wp-content/uploads/2023/08/vandalizirani-ikoni-indzikovo-gazi-baba-1024x538-1.jpg)
Стефковски порача дека ваквиот сторен чин на големиот македонски празник Илинден и христијански празник Св. Илија преставува срамен и кукавички чин кој е за најостра осуда.
Бистата е исчкртана со спреј, а пречкртана е и плочката со неговото име и пораката „Хероите живеат вечно“.
Според информациите од жителите, со спреј се прекриени и иконите од осветениот крст во селото.
Стојменовиќ трагично го загуби животот при полициската операција за неутрализирање на терористичката група во кумановската населба Диво насеље на 10 мај 2015 година.