Три капитални објекти на МВР 2017-2023 – ИКТ центар за чување и заштита на податоци и за опоравување од катастрофи во Прилеп, Најсовремена форензичка лабораторија на Балканот и нова Полициската станица Аеродром
ИКТ центар за чување и заштита на податоци и за опоравување од катастрофи во Прилеп
Финансирана со 3,25 милиони евра од претпристапната помош на ИПА фондовите и со 150.000 евра од Министерството за внатрешни работи како краен корисник на овој капитален објект – Центарот ќе биде back-up (резервна база) за клучните, витални информациски системи во земјава и ќе гарантира дека тие ќе функционираат доколку од какви било причини е загрозена работата на примарниот информатички систем и исто така ќе ги зачува податоците во случај на природни или катастрофи предизвикани од страна на човечки фактор
Најсовремена форензичка лабораторија на Балканот, во Оддел за криминалистичко–технички испитувања и вештачења
Станува збор за објект што ќе биде опремен согласно сите најнови европски полициски стандарди во доменот на крим-техниката, односно форензиката. Или, попластично кажано, објект што реално претставува есенција во полициско-истражителското дејствување, така што со право очекуваме, во голема мерка да се подигнат на уште повисоко ниво не само професионалните стандарди, туку и конкретните ефекти на овој дел од оперативното полициско работење. Со изградбата на овој објект конечно се унапредуваат условите за работа на крим-техничките работници во нови лабораториски и канцелариски простории. Го фаќаме чекорот со современите постапки во оваа сфера и нивна хармонизација со најдобрите европски практики и стандарди – Проект за чија што реализација во рамки на ИПА програмата за 2016 година се издвоени потребните над три милиони евра. Очекуваме објектот да биде пуштен во употреба наскоро.
Новата Полициската станица Аеродром
Трет објект во низата нови градби на Министерството за внатрешни работи, којшто воедно е енергетско ефикасен објект. Предвидениот рок за изградба на објектот е 30 месеци од денот на воведување во работа на економските оператори изведувач и надзор, со вкупна вредност од околу 130.000.000 денари со вклучено ДДВ, предвидени од буџетот на Република Северна Македонија
Ова се низа суштествени, реформски и програмски зафати во рамки на Министерството за внатрешни работи што ги подготвувавме и реализиравме изминативе години, и бездруго заземаат значајно место во напорите за квалитативно унапредување на модерното полициско работење.
Продолжуваме!
