Чистењето на малата (делта) HCH депонија во ОХИС продолжува со ремедијација на Лот 3, со кој ќе се отстранат 525 тони на HCH отпад и 210 тони на земја контаминирана со HCH, информираа денеска од Министерството за животна средина и просторно планирање. Во рамки на досегашните активности спроведени за ремедијација на третиот лот, ископани и спакувани се 210 тони на земја контаминирана со HCH чиј извоз е планиран за следните два месеци и ископани и спакувани се 231 тон на HCH отпад, од кој околу 80 тони, во текот на вчерашниот ден се извезени на уништување во Франција.
![](https://new.mia.mk/articles/images/%D0%BC%D0%B6%D1%81%D0%BF%D0%BF%D1%83%D1%88%D1%82%D0%B580%D1%82%D0%BE%D0%BD%D0%B8%D0%BE%D0%BF%D0%B0%D1%81%D0%B5%D0%BD%D0%BE%D1%82%D0%BF%D0%B0%D0%B4%D0%BE%D0%B4%D0%BE%D1%85%D0%B8%D1%81%D1%81%D0%B5%D0%B8%D1%81%D0%BF%D1%80%D0%B0%D1%82%D0%B5%D0%BD%D0%B8%D0%BD%D0%B0%D1%83%D0%BD%D0%B8%D1%88%D1%82%D1%83%D0%B2%D0%B0%D1%9A%D0%B5%D0%B2%D0%BEk5FO6/7In0RdiBO/large.webp?use_watermark=0)
-Како подготвителна активност, Министерството за животна средина и просторно планирање на 9 јуни 2023 година донесе Решение за одобрување на планот за ремедијација за Лот 3 кој е доставен од страна на изведувачот на чистењето, компанијата Polyeco, по што истата од 12 јуни 2023 година продолжи со работа, информираа од МЖСПП.
![](https://new.mia.mk/articles/images/%D0%BC%D0%B6%D1%81%D0%BF%D0%BF%D1%83%D1%88%D1%82%D0%B580%D1%82%D0%BE%D0%BD%D0%B8%D0%BE%D0%BF%D0%B0%D1%81%D0%B5%D0%BD%D0%BE%D1%82%D0%BF%D0%B0%D0%B4%D0%BE%D0%B4%D0%BE%D1%85%D0%B8%D1%81%D1%81%D0%B5%D0%B8%D1%81%D0%BF%D1%80%D0%B0%D1%82%D0%B5%D0%BD%D0%B8%D0%BD%D0%B0%D1%83%D0%BD%D0%B8%D1%88%D1%82%D1%83%D0%B2%D0%B0%D1%9A%D0%B5%D0%B2%D0%BEZso6H/C1Sil34wt/large.webp?use_watermark=0)
Според Министерството, во претходниот период, како резултат на активностите поврзани со чистење на првите два лота од малата (делта) HCH депонија во ОХИС, се извезени и уништени 957 тони на HCH отпад и 127 тони на земја контаминирана со HCH.