Зад нас е една од најупсешните сезони на проиводство и откуп на тутун, една од стратешките култури во државата. Со одговорен, партнерски однос на СДСМ и тутунопроизводителите обезбедивме рекорден откуп на тутун, кој заврши на време и без никакви проблеми, соопшти на прес-конференција Трајан Димковски, претседател на Комисија за земјоделство на СДСМ.
-Постигната е рекордна цена од 290 денари за килограм произведен и предаден тутун, а рекордни 80 отсто од производениот и предаден тутун е од прва класа, што покажува дека реколтата 2022 е со најголем квалитет до сега.
Вкупната вредност на предадениот тутун изнесува 100 милиони евра, плус обезбедивме и исплативме уште 26 милиони евра директни субвенции кон тутунарите.
Ова се рекордни износи на откуп и финансиска поддршка кон тутунарите со што одгледувањето на оваа култура повторно станува атрактивна за земјоделците.
Доказ за тоа е и фактот што површини под тутун се зголемени зголемени површини за 1453 хектари, додека бројот на нови договори со тутунарите е зголемен за 1.800 договори.
За нас во СДСМ зборот останува збор. Ветивме засилена поддршка кон сите земјоделци и навремена и неселективна исплата на субвенциите и тоа го правиме.
Продолжуваме со вистинска грижа за нашите сограѓани земјоделци, продолжуваме со засилени инвестиции во земјоделството како клучна стопанска гранка.
