Основното јавно обвинителство Тетово до Основниот суд во Тетово поднесе Обвинителен предлог против анестезиологот Ваљон Дервиши од тетовската болница, кој на Тик Ток ги снимал и пренесувал во живо колегите и пациентите. Тој се товари з несовесно работење во службата од член 353-в став 2 во врска со став 1, како и Неовластено снимање според член 152 став 2 од Кривичниот законик.
-Во спроведената претходна постапка беа прибрани докази кои го поткрепуваат основаното сомнение дека обвинетиот, како службено лице – анестезиолог вработен во ЈЗУ Клиничка болница во Тетово, на 14 април неовластено направил снимка од пациенти и вработени и ја објавил во живо на социјална мрежа, со што постапил очигледно несовесно во вршењето на своите овластувања и должности и потешко ги повредил нивните права.
Јавниот обвинител до Основниот суд во Тетово достави предлог за продолжување на претходно определената мерка притвор за обвинетото лице, велат од ОЈО.
