Енергетските капацитети на АД ЕСМ, завршените проекти во изминатите три години и планираните идни проекти за производство на електрична енергија од обновливи извори на енергија беа претставени на работната средба на генералниот директор на ЕСМ, Васко Ковачевски и директорот на развој и инвестиции Благој Гајдарџиски со јапонскиот амбасадор Казуја Оцука и претставници од јапонската корпорација ITOCHU.
![](https://mia.mk/articles/images/%D1%80%D0%B0%D0%B1%D0%BE%D1%82%D0%BD%D0%B0%D1%81%D1%80%D0%B5%D0%B4%D0%B1%D0%B0%D0%BD%D0%B0%D0%B3%D0%B5%D0%BD%D0%B5%D1%80%D0%B0%D0%BB%D0%BD%D0%B8%D0%BE%D1%82%D0%B4%D0%B8%D1%80%D0%B5%D0%BA%D1%82%D0%BE%D1%80%D0%BD%D0%B0%D0%B5%D1%81%D0%BC%D0%BA%D0%BE%D0%B2%D0%B0%D1%87%D0%B5%D0%B2%D1%81%D0%BA%D0%B8%D1%81%D0%BE%D1%98%D0%B0%D0%BF%D0%BE%D0%BD%D1%81%D0%BA%D0%B8%D0%BE%D1%82XrWSp/Om0xh3eaQ/large.webp?use_watermark=0)
-Кризата е зад нас и сега е вистинско време да се посветиме на нови проекти, развој и енергетска трансформација. Од големо значење е поддршката од јапонска страна, како и од другите пријателски земји кои веќе го имаат поминато патот на замена на енергетските капацитети и нивно преориентирање кон почисти извори и заштита на животната средина, порачал Ковачевски.
Од ЕСМ нагласуваат дека амбасадорот Оцука и претставниците од ITOCHU се наклонети кон давање поддршка во секторот енергетика, особено обновливите извори на енергија и дека искажале особен интерес за преминувањето на нашата земја кон обновливи извори на енергија и заштита на животната средина.