Лос Анџелес ја отвори новата МЛС сезона со победа над Портланд, а овој натпревар посебно ќе го памети Џорџо Кјелини.
Италијанскиот дефанзивец ја отвори својата втора сезона во САД со прв погодок во дресот на Ел-Еј, а со истиот го отвори резултатот и ја најави победата на својот тим.
Кјелини го постигна голот во 24. минута по една мешаница во противничкиот шеснаесетник и истиот го посвети на прерано починатиот Давиде Астори.
Вчера беа одбележани пет години откако тогашниот член на Фиорентина почина во сон и предизвика голем шок на италијанската фудбалска сцена.
Giorgio Chiellini scored and dedicated his goal to Davide Astori 💜 pic.twitter.com/tfLCFvcsPT
— Italian Football News 🇮🇹 (@footitalia1) March 4, 2023
