Со мали промени можеме да заштедиме енергија, финансии и да не ја загадуваме животната средина. Тоа е можно ако се грижиме за топлинската изолација во домовите, фабриките и институциите, ако користиме штедливи светилки, ако продолжиме уште повеќе да ги користиме обновливите извори енергија, напиша вицепремиерот задолжен за економски прашања Фатмир Бетиќи на својот Фејсбук профил по повод Светскиот ден на енергетска ефикасност.
– Денес на Светскиот ден на енергетска ефикасност повикувам сите да бидеме повнимателни и погрижливи кон трошењето енергија во нашите средини. Енергетската ефикасност не е само прашање на еколошка одговорност, туку и прашање на економска и социјална одговорност, стои во објавата на Бетиќи.
