Претседателот на Белорусија Александар Лукашенко пристигна во официјална посета на Кина, при што ќе разговара со кинескиот претседател Си Џинпинг.
Авионот со белорускиот претседател слета на аеродромот во Пекинг, јавува белоруската агенција БелТА.
Како што беше претходно најавено, Лукашенко и Си прво ќе одржат тет-а-тет средба, а потоа ќе учествуваат во разговорите меѓу двете делегации.
Во фокусот на разговорот ќе бидат трговијата, економијата, инвестициите и хуманитарната соработка, реализацијата на заеднички проекти, како и ситуацијата во Украина.
Инаку, Кина неодамна претстави мировен план за Украина.
Пред да пристигне во Пекинг, Лукашенко во интервју за кинеските медиуми изјави дека ниту едно прашање во светот не може да се реши без Кина.
Се очекува да бидат потпишани голем број документи за билатерална соработка.
