Српскиот претседател Александар Вучиќ денеска во Брисел ги почна активностите најпрво со американскиот претставник Габриел Ескобар, а околу 16. 30 часот најавено е продолжение со претставникот на ЕУ за дијалог меѓу Белград и Приштина, Мирослав Лајчак. На крајот од денот ќе се сретне и со премиерот на Косово, Аљбин Курти. Тема на средбите е европскиот предлог, односно француско-германскиот план за Косово.
„Заминуваме за Брисел, ги завршивме последните подготовки, сакам да му се заблагодарам на оној дел од Србија кој има доверба во својот државен врв и кој верува дека ќе го направиме она што е најдобро за нашата земја. Нема да има капитулација или враќање во деведесеттите. Србија ќе оди напред, колку и да е тешко. А тие што однапред се подготвуваат да нѐ нападнат дека ќе потпишеме нешто затоа што така ќе бидеме предавници, однапред знаат дека сме виновни и дека се враќаме во деведесетите… Можам само да им кажам да не се грижат, порача Вучиќ
