Турција ќе ги прошири истрагите против градежните изведувачи осомничени за кршење на безбедносните стандарди. Ова го изјави турскиот министер за внатрешни работи, Сулејман Сојлу. Тој посочи дека досега се идентификувани 564 осомничени, од кои 160 се формално уапсени, а уште поголем број се под истрага.
„Нашите градови ќе бидат изградени на вистинските места, нашите деца ќе живеат во посилни градови. Свесни сме за тестот со кој се соочуваме и ќе излеземе посилни од ова“, рече тој за државната телевизија ТРТ Хабер, додека Турција ги проширува плановите да се приспособи се закани.
Претседателот Тајип Ердоган вети дека ќе ги обнови станбените згради во рок од една година.
Сојлу изјави дека досега се подигнати околу 313.000 шатори, а во зоната на земјотресот ќе се подигнат околу 100.000 контејнерски куќи.
Тој објави дека бројот на загинати во Турција од разорните земјотреси на почетокот на овој месец се искачи на 43.556.
Сојлу истакна дека по првиот земјотрес на 6 февруари имало 7.930 последователни потреси и дека над 600.000 станови и 150.000 деловни објекти претрпеле најмалку умерена штета.
