Ливерпул доживеа вистински дебакл на мечот со Реал Мадрид на „Енфилд“ во осминафиналето во ЛШ. Иако поведе со 2:0, следеше неверојатен пад и на крајот доживеа убедлив пораз од 5:2. Тренерот на „црвените“ Јурген Клоп со право беше разочаран.
-Прилично е јасно што се случи, му подаривме на Реал Мадрид пет погодоци, факт е дека можевме многу подобро да реагираме при секој од нив. Ако има позитивна работа, тоа е првото полувреме, без оглед на двата примени гола. Имавме добар разговор на паузата, а потоа го примивме и третиот гол, кој го промени целосно текот на мечот. Во второто полувреме се се одвиваше како што сакаа гостите, а Реал е тим што никогаш не простува. Мислам дека е решено. Но, за три недели, како што се приближува натпреварот… Ќе мора да ризикуваме, а тие се опасни таму. Ајде да одиме таму да победиме и ќе видиме. Реално? Не мора така да се браниме на другите натпревари, тие се еден од најдобрите тимови во светот и фала богу што не мора да играме против нив секоја недела, рече Клоп.
Германецот е дециден дека не смее да се дозволи овој неуспех да влијае врз завршницата од сезоната во Премиер-лигата.
„Јасно ми е зошто луѓето велат дека ова е голем удар, но во прашање е само еден резултат, пораз од кој можеме добро да научиме, изјави тренерот на Ливерпул.