Премиерката на Шкотска, Никола Старџен ќе поднесе оставка по повеќе од осум години на таа функција, јавува Би-Би-Си.
Се очекува лидерката на Шкотската национална партија да ја соопшти својата одлука за оставка на прес-конференција во Единбург.
Никола Старџен е премиерка од ноември 2014 година, кога ја презеде функцијата од Алекс Салмонд, по референдумот за независност. Таа е премиерка со најдолг стаж на таа функција во државата.
