ЕВН Хоме секогаш го користи исклучувањето на корисниците само како крајна мерка, реагираат од компанијата откако директорот на Центарот за управување со кризи, Стојанче Ангелов апелираше до ЕВН и до управителите на зградите да не се повтори исклучување на струја во висококатниците, бидејќи постои можност да дојде до несакани последици за луѓето кои би останале заглавени во лифтовите, , откако утринава била исклучена струјата во кулата Б на Џевахир скај сити во Скопје.
-Во врска со исклучувањето на заедничката потрошувачка во кулата Б од Џевахир, до сопственикот на броилото навремено било испратено опомена пред исклучување. Законска обрска на управителите на зградите, а особено на такви висококатници, е да имаат обезбедено агрегат за лифтовите, бидејќи прекини во снабдувањето може да настанат од повеќе причини. ЕВН жали за настанатата ситуација, но компанијата е надлежна само во делот на мрежата до броилото. ЕВН не во позиција да се вмеша во внатрешното менаџирање на висококатниците, велат од компанијата.
