Нема место што посилно симболизира нови почетоци од хрватско-словенечката граница на Нова година, изјави денеска претседателката на Европската комисија Урсула фон дер Лајен, на денот кога Хрватска стана дел од еврозоната и Шенген зоната.
Ова е ден за славење, ова е сезона на нови почетоци, рече фон дер Лајен на граничниот премин меѓу Хрватска и Словенија кој сега веќе е укинат, Брегана, каде пристигна со хрватскиот премиер Андреј Пленковиќ и новата словенечка претседателка Наташа Пирц Мусар.
Нема место во Европа каде тоа е вистина повеќе отколку тука, на хрватско-словенечката граница, нагласи таа, нарекувајќи го влезот на Хрватска во областа на слободното движење и еврозоната огромно достигнување за најмладата членка на Европска унија.
-Целите ги постигнавме заслужено и со уверување дека тоа ќе биде корисно за хрватските граѓани и економијата“, рече хрватскиот премиер Андреј Пленковиќ.
Пленковиќ и Урсула фон дер Лајен по престојот на граничниот премин Брегана, испија кафе во ресторан во центарот на Загреб, кое домаќинот првпат го плати со евра.
-Ова е мое прво плаќање со евра, изјави Пленковиќ. Хрватска од денеска и официјално е членка на Шенген зоната и на еврозоната.
Премиерот на претседателката на ЕК ѝ ги покажа и хрватски монети и објасни што претставуваат симболите на хрватските евра.
🇭🇷 It is the season of new beginnings.
And there is no place in Europe where this is more true than here in Croatia.
Today the country joins the Schengen area and the Eurozone.
Two immense achievements.
I’m so glad to be here, on this day of joy and pride for Croatia. pic.twitter.com/d4A2JWoOXf— Ursula von der Leyen (@vonderleyen) January 1, 2023