Со сечење на црвената лента и богата музичка програма синоќа свечено беше отворен СН Мото Центарот – нова и современа станица за технички преглед во скопскиот регион, која ги задоволува највисоките европски стандарди во функција на поголема безбедност во сообраќајот.
СН Мото центарот е инвестиција на СН Осигурителен Брокер АД Битола, тешка 2,4 милиони евра.
Центарот е мултифункционален објект кој се простира на 6.000 метри квадратни, лоциран на улица Калош Дани број 22, Момин Поток-Карпош во Скопје. СН Мото Центарот располага со 1.847 метри корисна површина, како и со најсовремена опрема и стручни кадри. Во неговото функционирање се вложени искуството и традицијата на квалитет по кои СН Групацијата е препознатлива.
![](http://24infomk.blink.mk/wp-content/uploads/2023/01/d0bdd0bed0b2d0b0-d0bcd0bed0b4d0b5d180d0bdd0b0-d181d182d0b0d0bdd0b8d186d0b0-d0b7d0b0-d182d0b5d185d0bdd0b8d187d0bad0b8-d0bfd180d0b5d0b3_63cd891950c7e.jpeg)