Репрезентацијата на Франција го продолжува по патот кон одбраната на титулата светски фудбалски првак на Мундијалиот што се одржува во Катар. Франција е третиот учесник во четвртфиналната фаза откако попладнево во Доха во осминафиналето ја победија Полска со 3:1.
Стрелци на головите за Франција беа Оливие Жиру во 44. минута и Килијан Мбапе во 75. минута и 90+1 минута. Роберт Левандовски во 90+9. минута со повторен удар од белата точка откако првиот му го одобрани голманот Лорис, ги постави конечните 3:1.
Од 20 часот вечер во Ал Хор во осминафиналето ќе се соочат Англија и Сенегал.
Победникот од овој дуел ќе биде противник на Франција во четвртфиналниот натпреварот закажан за 10 декември.
Французите ја бранат шампионската титула освоена пред четири години на СП во Русија.
