Актуелниот македонски ракометен првак во машка конкуртенција Вардар немаше проблеми во 6. коло од Суперлига, на гостувањето во Куманово каде протиг истоимениот домашен тим забележа убедлива победа од 31:18. Кумановци парираа некаде до финишот на првото полувреме, кога беше 10:12, а потоа примија три гола едноподруго, па на пауза заминаа со 11:15. Вториот дел го почнаа со два врзани погодока, но потоа следуваше серија од 6:0 за Вардар, а Куманово чекаше осум минути за следниот гол. Најефикасен на мечот и во редовите на Вардар беше Јан Чувара со девет гола, од кои четири од пенал, додека Куни Моралес погоди шест пати од игра. Кај Куманово, Даниел Постоловски и Вучко Мрвовиќ стрелаа по шест пати. Претходно денеска, Пелистер славеше над Тиквеш со 31:20.