Американскиот актер Кевин Спејси се изјасни за невин по четирите точки на обвинението за сексуален напад врз тројца мажи, во неговото прво појавување во лондонскиот кривичен суд Олд Бејли (централниот кривичен суд на Англија и Велс).
62-годишникот, исто така, се изјасни за невин по обвинението за наведување лице да се вклучи во пенетративна сексуална активност без согласност.
Спејси, облечен во светлосин костум, одговори „не сум виновен“ кога му беа прочитани секое од обвиненијата. Судењето треба да започне на 6 јуни следната година. Следното рочиште ќе се одржи претходно истата година. Судијата му одобри на Спејси безусловна кауција.
Обвиненијата следуваат по прегледот на доказите собрани од Метрополитен полицијата.
