Хеликоптер со четиричлен екипаж, кој учествувал во гаснење на пожарот на грчкиот остров Самос, попладнево се урна во море, а спасено е едно лице, јави дописничката на МИА од Атина.
Од противпожарната служба на Грција соопштија дека станува збор за хеликоптер од типот ER-MHY (Mi-8 MTV-1) кои тие го изнајмиле да помага во пожарот, а од членовите на екипажот тројца се странски државјани и еден Грк.
Тие додаваат дека во спасувачката акција, што е во тек, спасен е еден член на екипажот. Toa е пилотот, Романец.
Според грчкото министерство за здравство, загинале двајца членови на екипажот кои биле пронајдени,но без знаци на живот. Не е познато за кого станува збор, иако двајца оператори на леталото се Молдавци, а четвртиот член на екипажот е Грк-преведувач.
Според грчката телевизија ЕРТ, хеликоптерот паднал од мала височина, односно кусо откако наполнил вода од морето и во моментите кога почнал да се оддалечува од површината.
