Триесетгодишниот Иван од Македонија кој беше спасен по цели 20 часа борба со брановите на Халкидики, беше отпуштен од болницата во Солун.
Грчките лекари оценија дека тој е во одлична состојба и може да патува со членовите на семејството за да се врати во својата земја. Според информациите на protothema.gr , неколку часа пред да биде отпуштен од болницата, бил лекуван поради тешка дехидрација.
„Сакам да им се заблагодарам на луѓето кои учествуваа во моето спасување“, им рече 30-годишниот Иван на новинарите додека ја напушташе болницата. „Посебна благодарност до хеликоптерските екипажи и луѓето на чамците кои ме презедоа“, додаде тој.
Иван нагласи дека не бил во вода 18 часа туку повеќе од 20 часа, додека на новинарите им кажа дека во следните денови ќе ги контактира и ќе разговара со нив.
Иван беше спасен благодарение на топка која испловила во морето до него, и за која се држел до пристигнувањето на спасувачките служби.
https://youtu.be/RDAXY_QG8aM
