Црвена звезда со 2-0 го победи Партизан во 166. вечно дерби и дојде на само два бода до црно-белите кои се лидери на табелата во српското првенство.
Пред прекрасна атмосфера на „Рајко Митич“ се одигра големото дерби меѓу Црвена звезда и Партизан. На црвено-белите им требаше победа за да се вратат во игра бидејќи пред овој меч Партизан им бегаше со пет бода.
Црвена звезда ја исполни мисијата, со голови на Охи во 29. и Катаи во 42. минута го победи Партизан.
Гостите мечот го завршија со играч помалку откако во 86. минута Здејлар доби втор жолт картон.
По 24 одиграни кола Партизан е прв со 65 бодови, Црвена звезда има 63.
