Дони ван де Бек го доби посакуваното заминување од Манчестер јунајтед, откако Евертон потврди дека Холанѓанецот пристигнува на позајмица до крајот на сезоната.
24-годишниот Холанѓанец беше донесен на „Олд Трафорд“ како еден од највозбудливите таленти во европскиот фудбал во 2020, но оттогаш не доби голема шанса за редовен фудбал, ниту под Оле Гунар Солскјер, ниту под неговиот наследник, Ралф Рангник. Тој инсистира дека е подготвен да стартува веднаш.
„Евертон е голем клуб со многу фантастични фудбалери и се надевам дека ќе помогнам да се кренеме на табелата. Сакам да имам асистенци и да давам голови повторно. Се сретнав со новиот тренер Френк Лампард, и имав среќа да играм против него кога тој беше во Челси како менаџер, така што добро ме познава. Можам да научам многу“, изјави Ван де Бек.
Donny van de Beek is a Blue! 🔵✍️ pic.twitter.com/Aiv8PfFT3Z
— Everton (@Everton) January 31, 2022
