Тренерот на актуелниот англиски фудбалслки шампион Манчестер сити, трофејниот шпански стѕартег Пеп Гвардиола посочи дека никој никогаш не смее да каже дека освојување на „златната топка“ од страна на Аргентонецот Лионел Меси не е фер.
Меси синоќа по седми пат ја освои најпрестижната идивидуална награда за фудбалерите, но отвори голема дебата околу тоа дали воопшто ја заслужи, а дел од европските медиуми жестоко го критикуваат изборот на Аргентинецот, пред Роберт Левандовски и Жоргињо. Полјакот се сметаше како фаворит за освојување на наградата, особено откако лани таа не беше доделена, а Левандовски имаше блескава сезона на клупски и репрезентативен план.
-Не ме прашувајте за тоа дали е исправно или не. Ама, така е како што е. И никогаш не може да кажеме дека не е фер тоа што Лео ја освоил „златната топка“. Тој е толку добар што секогаш е во фокусот. Сето ова е шоу, убав бизнис кој го прави фудбалот уште поинтересен, вели Гвардиола, кој му беше тренер на Меси во времето кога ја предводеше Барселона.
