Во 11.коло од италијанската фудбалска Серија А, и Верона го испрати Јувентус со наведната глава (2:1). „Старата дама“ е клекната на колена со погодоците на Џовани Симеоне во 11. и 14. минута. Во минатото коло Сасуоло им приреди ваква главоболка. За Јувентус ова е четврти пораз оваа сезона од 11 одиграни натпревари.
Јувентус никако не можеше да се состави во текот на овој натпревар, па иако во 80. минута намали преку Вестон Мекени на 2-1, поразот беше неизбежен.
Избраниците на Масимилијано Алегри немаат победа три кола, со два порази во низа, за нив многу рано најверојатно заврши трката за нова титула.По ваквиот исход тимот од Торино се наоѓа на 8-та позиција со освоени 15 бода, додека Верона е на едно место пред „старата дама“ со исто толку бодови.
