Реа Дурам некогаш важеше за една од најубавите американки манекенки, а денес може да се слушне дека припаѓа во редот на супермодели кои никогаш не добиле заслужено признание, иако поставиле стандарди во светот на моделингот.
Оваа дама неодамна го прославила 43-от роденден, а денес живее далеку од модната писта иако сè уште делува гламурозно и поради својот сопруг Марк Волберг кој е холивудски актер и на кој таа често му прави друштво на црвениот тепих.
Волберг на својата сопруга ѝ го честитал роденденот и на социјалните мрежи со едноставна, но емотивна порака:
„Среќен роденден на мојата сопруга Реа која не само што изгледа прекрасно, туку и тоа најважното – неверојатна мајка е на нашите четири деца. Те сакам душо“, напишал 50-годишниот актер.
„Многу ѝ должам на својата сопруга. Ми помогна да станам човек каков што сум денес и создаде убав живот за мене и за нашите деца. Знам и дека ме сака ваков каков што сум и можам да ѝ верувам. Додека не ја запознав нејзе, не сакав брак“, изјавил своевремено Волберг.
Инаку, Реа се повлече од светот на моделингот пред неколку години, па се посвети на мајчинството и семејниот живот.
Дека четирите бремености оставиле трага на нејзиното тело покажуваат и папарацо фотографиите од плажа – неколку килограми вишок и целулит.