Џиновска санта мраз со површина од повеќе од 4.000 квадратни километри се оддели од ледената полоча Рона на Антарктикот, пренесува РТ.
Ледениот брег, наречен А-76, сега е најголемата лебдечка ледена маса во светот – долг е околу 170 км и широк 25 км – и е поголем од шпанскиот туристички остров Мајорка, кој се протега на 3.677 квадратни километри.
Одделувањето на брегот го снимила мисијата „Коперникус сентинел-1“, а сателитските снимки ја прикажуваат ледената маса како се двои од ледената плоча во Веделовото Море во речиси совршено права линија.
Претходниот рекордер A-23A е со големина од речиси 3.880 квадратни километри.
Раѓањето на новиот леден брег доаѓа кусо време откако гигантската табуларна санта мраз А-68, која беше вистинска ѕвезда на социјалните мрежи, конечно се стопи во април.
Сантата, која за време на своето одделување се протегаше на речиси 5.800 квадратни километри, порано беше еден од најголемите забележани пловечки ледени тела. Таа се оддели од ледената плоча Ларсен Ц на Антарктикот уште во јули 2017 година и почна три и полгодишно патување кон Јужниот Атлантик, кое будно го следеа сателитите.
Meet the new cool kid on the iceberg block: the recently calved #A76 is now the biggest iceberg in the world!
The iceberg was spotted by @BAS_News and confirmed from @usnatice using @CopernicusEU #Sentinel1 imagery.
Here’s how it looked on 16 May????https://t.co/GgFk6kIJLv pic.twitter.com/xOVWjidsZw— ESA EarthObservation (@ESA_EO) May 19, 2021
