Колегите и пријателите од цел Балкан се збогуваат и се сеќаваат на убавите моменти со легендарниот Ѓоле.
– Циркусот си замина, багремот се скрши, но доаѓаат нови деца, сметаме на нив, ја напишаа и ја споделија песната на Балашевиќ „Рани мраз“ членовите на „Хлади пиво“.
Заедно со песната на Балашевиќ „Кога ќе заминам“, Масимо Савиќ напиша:
– За жал, замина. И тажен сум. Ретко се раѓаат вакви луѓе, всушност, можеби никогаш повеќе …
– Тажен ден. Премногу тажно. Еден од најголемите уметници на сите времиња. Значи, еден добар лик кој го шири доброто околу себе целиот свој живот. Ми беше чест да те познавам. Почивај во мир, Ѓоле, иако луѓе како тебе никогаш не умираат. Не можат и нема, напиша хрватскиот кошаркар Дино Раѓа.
Легендарниот Бора Чорба, кој со Балашевиќ беа „ривали“ уште од почетокот на кариерата напиша:
-Жал ми е, сочуство за семејството. Одличен поет. Почна жестокото одбројување за нашата генерација, изјави Ѓорѓевиќ за Новости.
Халид Бешлиќ се прости од својот пријател на официјалниот профил на Фејсбук објавувајќи фотографија од него, со зборови што му го кршат срцето.
– Само ќе замолчам. Нека ти биде лесна црната земја – напиша Бешлиќ.
– Животот е море на кое сите пловиме со своите животи … Збогум Панонски морнару, нека ти е вечна слава и ти благодарам – рече Жеjко Самарџиќ.
– Тој мој Ѓорѓе беше голем уметник – Шербеџија се прости од својот пријател.
– Замина еден од најголемите поети. Неговите песни имаа и слика и мирис, а најдобрите години од животот на мојата генерација беа тесно поврзани со него. Балашевиќ – напиша Огњен Амиџиќ на Твитер.
– Во шок сум. Што да кажам? Нема сум. Почина мојот пријател од мојата младост, мојот кум, и покрај тоа што не се гледавме долго време, тој ми беше често на ум. Најубавиот период од младоста е поврзана со него. Сакам да верувам дека луѓето што ги сакаме не заминуваат, тие едноставно не се физички со нас. Ангелите нека го чуваат и нека му биде лесен патот. Би сакала да изразам искрено сочувство до Ољa и децата. Јас сум многу тажна – вели Биља Крстиќ.
– Ѓоле беше еден од симболите на југословенската поп сцена и неговите песни беа препознатливи од Вардар до Триглав. Мене ми е многу тешко и не можам да ги „обработам“ информациите дека
Ѓоле го нема повеќе. Тој беше голем поет и нема сомнеж дека неговото заминување е голем удар врз нашата култура – рече Момчило Бајагиќ Бајага.
– Бев многу тажен кога дознав дека Ѓоле починал. Јас и тој бевме пријатели, не знам ни колку јавноста беше запознаена со тоа. Знаев дека имал пневмонија и дека не сакал веднаш да оди на лекување, па еве. На крајот ситуацијата се влоши. Тој замина многу рано, жал ми е што е така, но ние не судиме за тоа. Нека му е вечна слава! – рече Мирослав Илиќ.
Фудбалскиот клуб Партизан на социјалните мрежи се прости од Ѓорѓе Балашевиќ, кој почина на Клиниката за инфективни болести, каде се лекуваше од пневмонија.
– Последен поздрави до големиот уметник – стои во пораката на официјалниот Твитер профил на „црно-белите“.
– Почивај во мир „панонски морнару“. Сочувство до семејството – напиша Тони Цетински на својот Инстаграм со фотографија од Балашевиќ.
