Манчестер јунајтед вечерва го победи Вест Хем со 3:1 во 11. коло од англиската фудбалска Премиер лигата. „Црвените ѓаволи” се вториот тим во историјата на Премиер лигата кој постигнал два или повеќе гола на девет натпревари во низа.
Претходно, Лидс во април 2001 година стигна до ваков биланс.
Со новите три бода, Манчестер јунајтед се искачи на 4. место на табелата во Премиер лигата и по подолго време се најде во зоната која обезбедува место во Лигата на шампионите.
