Американскиот претседател Доналд Трамп, по министерот за одбрана, смени уште четворица високи функционери од ова министерство, а на нивно место поставил луѓе кои му се лојални.
Трамп во понеделникот прво го смени министерот за одбрана Марк Еспер, а за негов наследник е поставен досегашниот директор на Националниот центар за борба против тероризам Кристофер Милер.
Си Ен Ен додава дека некои функционери се сменети, а некои сами поднеле оставка, па освен Еспер заминале и неговиот шеф на кабинет и високи претставници на разузнавачките служби.
На нивно место се поставени луѓе блиски до Трамп, вклучувајќи „контроверзни личности кои заговарале теории на заговор и го нарекувале поранешниот претседател Барак Обама терорист”.
Се додава дека овие смени можат да предизвикаат само хаос во Пентагон, посебно менувањето на Еспер.
