Од понеделник, во рамките на Здравствен дом Скопје, ќе функционираат 6 пункта за брзи тестови со што се ќе се прават дополнителни 500 тестирања на дневна основа, изјави министерот за здравство, Венко Филипче.
Според него, брзи тестови ќе се прават и во болничките установи каде што се примаат пациентите, не само во Скопје туку и во болниците во другите градови, согласно распоредот и алгоритамот кој го утврди Комисијата за заразни болести.
