Славниот рок гитарист Еди ван Хален, почина од рак на 65 години, потврди неговиот син Волфганг. Американскиот музичар со холандско потекло долго време се лекуваше од рак на грлото и почина утрово.
— Wolf Van Halen (@WolfVanHalen) October 6, 2020
„Ролинг стоун“ го избра Ван Хален за осмиот најдобар гитарист на сите времиња на својата топ 100 листа. Во теот на неговата кариера, Еди смисли три нови начини на позиционирање на гитарата за да произведе посилен звук и секогаш свиреше со гитарата во хоризонтална позиција.
„Не можам да верувам дека морам да го напишам ова, но мојот татко, Едвард Лодевик Ван Хален, утрово ја загуби долгата и мачна битка со ракот. Тој беше најдобриот татко што некогаш можев да го посакам. Секој момент што го споделував со него на, и надвор од сцената, беше подарок.“ – објави неговиот син музичарот Волфганг ван Хален на Твитер.
Еди Ван Хален зад себе има два брака, првиот со актерката Валери Бертинели со која го има синот Волфганг и вториот со неговата публицистка Џени Лизецки.
