Макси Бјанкучи, кој е братучед на Лионел Меси, смета дека причината зошто суперѕвездата на Барселона сака да го напушти својот тим, лежи во неговата среќа.
Според него, напаѓачот повеќе не се чувствува среќен на „Камп Ноу” и претпочита да преземе нов предизвик.
– Лео мора да го бара местото каде што ќе биде среќен. Ако тој замине, тоа е затоа што тој не е среќен и сака да бара нови предизвици. Тој има право да го стори тоа. Од она што го прочитав, тој има договор до следната година. Ако ја анализираме ситуацијата, би било позитивно за него сега да замине, бидејќи клубот ќе земе пари и тој нема да замине како слободен агент. Оттаму, треба да обрнат внимание на тоа како се чувствува. Мислев дека тој никогаш нема да ја напушти Барса. Би сакал да го видам во тим кој игра добро. Од сите тимови за кои се зборува, ми се чини дека во Манчестер Сити би се вклопил добро. И во Париз Сен Жермен, но ќе видиме. Каде и да оди, се надевам дека ќе биде среќен и во мир, изјави Бјанкучи за „Радио Континентал”.
