Собранието вечерва го верификуваше мандатот на пратеничката Снежана Калеска-Ванчева која доаѓа на местото на Мила Царовска.
Царовска претходно поднесе оставка на пратеничката функција бидејќи е предложена од страна на мандатарот Зоран Заев да го води ресорот образование.
Собранието ја констатираше и оставката на Никола Димитров, кој како и Царовска, треба да замине во извршната власт, односно да го заземе вицепремиерското место за евроинтеграции.
Веќе се констатирани оставките на мандатарот Заев, како и на Љупчо Николовски, Радмила Шекеринска и Оливер Спасовски. Останува да се констатираат уште оставките на Јагода Шахпаска и Насер Нуредини.
