Шпанскиот фудбалски прволигаш, Барселона подготвува нова понуда за договор за напаѓачот на тимот Ансу Фати, пренесува „Sport.es”. Според порталот, каталонскиот клуб се плаши од големиот интерес за 17-годишниот шпански репрезентативец што го покажуваат врвните клубови, вклучувајќи го и Манчестер јунајтед и сака да склучи нов договор со играчот со подобрени услови.
Фати последен пат потпиша со Барселона во летото 2019 година, но клубот сака да ја зголеми платата на играчот и обесштетувањето, бидејќи тој стана постојан член на првиот тим.
Во сезоната 2019/20 година, Фати одигра 32 натпревари за Барселона, постигна осум погодоци и една асистенција.
„Transfermarkt.com” ја проценува вредноста на Фати на 50 милиони евра.
