Според последните податоци, во светот досега се регистрирани 13.800.016 лица заразени со новиот коронавирус. Од нив починале 589.114, а оздравеле 8.197.400 луѓе.
– Во изминатите 24 часа во Грција се регистрирани 35 нови случаи на Ковид-19, од кои 13 при направените тестови на влезните точки во земјата, со што бројот на заразени се зголеми на 3.939 лица.
– Во последното деноноќие во Албанија регистрани се 99 новозаразени со Ковид-19, оздравени 46, додека починале три лица. Со последно направените 425 во земјата направени се вкупно 34.175 тестови. Позитивни биле 3.851, од нив во списокот на оздравени се внесени 2.137 а починале 104 лица. Активни на болеста се 1.610 лица, од кои хоспитализирани се 102 од нив 14 во сериозна здравствена состојба.
– Во Црна Гора во изминатите 24 часа, потврдени се 60 новозаразени и еден смртен случај. Вкупниот број на спроведени PCR-тестови во Црна Гора, вклучително и анализите спроведени во Германија, е 28.221, соопшти Институтот за јавно здравје. Во последните 24 часа се анализирани 477 примероци за новиот коронавирус.
– Нови 777 случаи на заразени се регистрирани во Романија во изминатите 24 часа. Досега се заразени вкупно 35.003 лица во Романија, а 1.971 лица починале од вирусот. На интензивна нега се лекуваат 216 пациенти.
– Во Словенија во изминатите 24 часа биле тестирани 1.032 лица, од кои се регистрирани 19 нови случаи. Хоспитализирани се 18 пациенти заразени со Ковид-19, а еден од нив е на интензивна нега. Досега, речиси 1.900 луѓе се заразени во Словенија, а 111 починале.
