Министерот за надворешни работи на Русија, Сергеј Лавров, престојува во официјална посета на Белград, на аеродромот беше пречекан од неговиот српски колега Ивица Дачиќ, по што следуваат средби со државниот врв на Србија.
Непосредно пред излегувањето на рускиот министер Сергеј Лавров од авионот, амбасадорот на Руската Федерација, Александар Боцан-Карченко, му подари микрофон на министерот Ивица Дачиќ како подарок од високиот руски дипломат. На микрофонот има плочка со посвета на која е угравирано „Ивица Дачиќ“.
По пристигнувањето, Лавров се состана со претседателот на Србија, Александар Вучиќ, а потоа и со Дачиќ, по што шефовите на дипломатијата на Србија и Русија дадоа изјави за медиумите. По давањето изјави, Дачиќ му врачи подарок на својот руски колега.
Бидејќи мојот колега, брат и пријател Сергеј Лавров е музикален како и јас, подготвив подарок за него“, рече Дачиќ и му ја предаде гитарата на Лавров.
Гитарата беше наменета за 70-тиот роденден на министерот за надворешни работи на Русија, но поради епидемијата на коронавирус, испораката беше одложена се до денес во Белград.
