Потпретседателот на ВМРО-ДПМНЕ, Александар Николоски во своето гостување во емисијата „Јади бурек“ говореше за членство на Република Македонија во ЕУ каде тој јасно укажа како оди целата процедура.
„Македонија доби одлука дека во иднина ќе се определи датум за почеток на преговори доколку сите држави членки на ЕУ за тоа се усогласат. Таа одлука ќе се разгледува во јуни дали кога и како Македонија ќе почне преговори. Во ЕУ нема одлуки за членство ако не гласаат сите за, а во одлуката се вели дека за да сите гласаат за мора да биде испочитувано мислењето на Бугарија кое се сведува на бришење на македонскиот народ, македонскиот јазик и македонската историја и тоа е барањето на Бугарија. Ова е основната причина зошто власта го криеше овој документ. Овој документ е усвоен на 25 март, а власта на 26 март не излезе да каже дека имаме проблем со Бугарија. Власта прво проба да го релативизира и тоа било став на една држава членка. Дали е на 1 или 2 е исто затоа што таму се гласа со согласнот на сите држави“, истакна Николоски.
Во врска со ова Николоски посочи дека после сето ова СДСМ почна да ја игнорира темата за вчера да видиме дека има трета фаза да се убедува дека македонскиот народ не е македонски народ туку бугарски народ.
„Она што ние можевме да го направиме и го извадивме документ за да го види целата јавност, второ жестоко да реагираме и трето тоа што го понудив е Македонија конечно како држава да извади заеднички усогласена и бебзедносна политика која што ќе е прифатена од сите политички партии и која ќе е обврска за секој сегашен и иден министер за надворешни работи, за внатрешни работи, за одбрана и на директорите на УБК да не смеат да отстапуваат“, нагласи Николоски.
