Организацијата на средношколци при СУГС гимназија ,,Никола Карев” ,,Art House Karev” oваа година за првпат ќе го реалзира средношколскиот фестивал ,,Три Дена Култура” на социјалните мрежи под името ,,Три Дена Култура од Дома”.
Фестивалот ќе се реалира по третпат и стана обележје на средношколската креативност и уметност. Сите замислени активности ќе се реализираат на инстаграм страницата @art_house_karev и фејсбук страницата Art house Karev (линк од страницата: https://www.facebook.com/arthousekarev/).
Истиот ќе се реализира од 21-23 април.
Првиот ден ќе има проекција на кратки аматерски средношколски филмови и потоа ќе има интервју со Атанас Георгиев кој е продуцент и монтажер на ,,Медена земја”.
Вториот ден е посветен на физичкиот театар и затоа ќе има интервју со Валентино Апостоловски кој е добитник на наградата ,,Златна пеперутка” за најдобар кореограф на меѓународниот натпревар “Танцлаб” и Ивана Балабанова која е основач на Битрикс. Ќе има и проекција на нивни преформанси.
Третиот ден ќе биде исполнет со музичка програма од бендови и солисти. Исто така ќе има и лајв онлјан концерт од поранешен средношколски бенд. Како специјални гости ќе ги имаме Last Expedition кои имаат издадено 4 албуми и се активни од 1985 до ден денес.
Сите три дена ќе се постираат фотографии и цртежи од средношколски уметници. Сите активности се во согласност со насоките од владата и СЗО.
