„Никој нема да умре од коронавирусот во Белорусија“, рече денеска претседателот на таа земја, Александар Лукашенко, додавајќи дека нема потреба да се воведат построги мерки во Белорусија, како и во повеќето земји во светот, за да се спречи ширењето на вирусот.
Во Белорусија, според Министерството за здравство на земјата, 2.919 луѓе се заразени со вирус, а 29 починале.
Сепак, Лукашенко тврди дека смртните случаи се резултат на други болести на овие пациенти, како што се срцеви заболувања и дијабетес.
„Затоа велам дека ниту едно лице не умрело само од вирусот“, извика Лукашенко.
Тој им рече на луѓето дека треба да одржат позитивен став, пренесува Ројтерс.
„Веќе пронајдовме комбинација на лекови за да се спасат луѓе“, рече Лукашенко, соопшти државната агенција „Белта“.
За разлика од другите европски земји, границите се уште се отворени во Белорусија, а дозволено е да се играат фудбалски натпревари, пред присуство на гледачи.
