Во рамките на процесот за ран скрининг на заболени од коронавирус кој започна во неколку општини, попладнево се направени 30 тестови со поширока индикација и дополнителни 8 кои пристигнаа преку Клиниката за инфективни болести и фебрилни состојби во Скопје.
Од 38 тестирани, позитивни на коронавирус се 7 лица, 3 од Дебар и 4 од Скопје.
Во текот на денешниот ден се регистрирани вкупно 11 нови случаи на коронавирус. Со ова, бројката на заболени од вирусот во земјата, состојба до 21:00 часот, изнесува 42. Состојбата на сите пациенти е стабилна. Двајца од заболените имаат средно изразена пневмонија.
Во моментов, се работат уште 22 теста и тие се во рамките на скринингот. За резултатите од овие тестови ќе информираме во текот на утрешниот ден.
https://www.facebook.com/filipce.venko/photos/a.1819648248342200/2340427742930912/?type=3&__xts__%5B0%5D=68.ARAcvgiYBEyEeR6QOfAX662KnVQ9W8N9ncRTox1r0ttuLLbf5iAbeK8PoRbqrXqR0RCoq1MHzIoypehI8WeJWpJL0MHun3p1kuvM42cbHVZkN2c-C-v50x1WeYY7hc51AT1SdLbNO6pCRQnmKf2yLRbNQquwpt66pF_X0lRcGSQfRrt7kdh5kGDKfGbYAbJ1pnli1oDF1PU44kQDCov9Yp7-5kOyXjaYqmew2zWlMe65y6gSQdD-A-ajHXKVWKBOrCiuB-cYjo_IjUOi7PZIa5hqtN4Nhf-Eq2J-_ZMjHvnQwo0wlwXHrXSskbapToV2jMwmM743N-zgwKvfU_nA3Rjln8UP&__tn__=-R