Search

Беџети: Со Јанкулоска имавме различни убедувања за „Монструм”

Поранешниот министер за правда Блерим Беџети и поранешната министерка за внатрешни работи Гордана Јанкулоска имале различни убедувања за случајот „Монструм”, рече на денешното судско рочиште Беџети, кој во својство на сведок даваше исказ за петкратното убиство кај Смилковско Езеро. Додаде дека тие како политички субјект барале да се повтори судењето за овој предмет.

– Сметам дека е целисходно да се анализират сите разговори. Судството во овој и во некој други случаи се разниша. Оттука излегува и нашето барања за одложување за предметот и негово повторување. Не беше само за изборите. Ние како политички субјект континуирано баравме да се повтори. Тоа јавно го имаме кажано, не за да се заштити некој, туку заради тоа што се разнишаа и меѓуетничките односи, изјави Беџети во Кривичниот суд.
Тој кажа дека имал една средба со семејствата на обвинети, на која од него, бидејќи во тоа време бил министер за правда е барано да се води фер, праведна и транспарентна постапка.

Во однос на процедурата за екстрадиција на осомничените Алил Демири и Африм Исмаиловиќ од Косово, сведокот Беџети, појасни дека како министер за правда, сите дејствија ги преземал според закон.

Како сведок на денешното судење за „Монструм” треба да се појави и Муса Џафери, поранешен вицепремиер задолжен за спроведување на Рамковниот договор.

При презентација на „бомбите” од страна на обвинителката Фатиме Фетаи, јавноста имаше можност да слушне како Беџети и Џафери, комуницирале со други лица во однос на овој предмет.

Тој истакна дека во тој временски период имало разговори и контакти поврзани со овој астан.„Не можам точно да се сетам што конкретно сум зборувал пред неколку години. Ги следевме протестите, сум направил средба со семејствата на обвинетите кои од мене само побараа правдата да функционира во судот. Ме убедуваа дека нивните блиски се невини. Остваривме срдба во трговскиот центар “Мавровка”, рече Беџети.

Одговарајќи на прашањето од обвинителот Гаврил Бубевски дали за овој случај имало постапка за екстрадиција, Беџети истакна дека имало постапка.

„Ги презедов сите дејствија кои ми биле надлежност и сум ги проследил документите кои ни биле доставени. Убедувањата треба да бидат двострани, а не еднострани, бидејќи процесот беше многу сензитивен, имаше притисок од медиумите, за мене непотребен. Јас не подлегнувам под притисоци и знам дека сум постапил според законските рокови“, рече Беџети.

Oбвинителот го потесети на разговорт во кој се слуша  дека барал одложување на првото рочиште за “Монструм”, бидејќи било закажано пет дена пред изборите.
„Дококу слушате само еден разговор, ќе добиеме различни впечатоци. Ако го имате целиот контекст, ќе добиете друга слика. Ние и ден денес бараме расчистување  на случајот. Не е само заради изборите. Имаше медиумски притисок  кој не беше коректен, рече Беџети.

Воедно, на оваа рочиште треба да се појави и сведокот Зоран Трајковски (полициски службеник) кој во „бомбите”, се слуша како комуницира со друго лице и објаснува дека на Синиша Алексовски му пренел дека пред 12 април може да се случи некој немил настан, напад на полициска станици и слично. Во однос на оваа прашање Алексовски (поранешен советник за безбедност во кабинетот на екс претседателот Ѓорѓе Иванов ) потврди дека имал комуникација со Трајковски. Добил од него усна информација дека има движења на екстремистички групи кои би можеле да нападнат полициски станици, но дека не му била потврдена.

На претходните рочиште за петкратното убиство на Смилковско Езеро, сведочеше речиси целиот врв на МВР од 2012 година.

Судењето за „Монструм” го води судијата Огнен Ставрев, а застапници на обвинението се Фатиме Фетаи и Гаврил Бубевски.

За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост. По укинувањето на пресудите, случајот „Монструм” го презеде СЈО и предметот беше вратен на повторно судење.

Треба да знаете
Последни објави