Претставникот на ОБСЕ за слобода на медиумите, Арлем Дезир, изјави дека желбата на естонските власти да ги прошират санкциите на ЕУ против генералниот директор на новинската агенција „Русија севодња“ врз колективот на естонската редакција на „Спутник“ создава проблем на полето на слободата на медиумите.
„Проширувањето на санкциите против Дмитриј Кисељов на ‘Спутник’ претставува сериозен чекор од правен аспект и создава проблем во областа на слободата на медиумите“, наведува Дезир.
Тој нагласи дека „Спутник Естонија“ не е на списокот санкционирани од ЕУ.
„Ги повикувам естонските власти да се воздржат од воведување непотребни ограничувања во работата на странските новинари или медиуми кои би влијаеле негативно на слободното ширење на информациите, слободата на медиумите и на тој начин би противречеле на обврските на ОБСЕ,“ додаде тој.
Шефотр на службата за слобода на медиумите на Русија, Валериј Фадејев, исто така го повика естонскиот канцелар за право, Јуле Мадизел, да не дозволи кршење на правата на новинарите на агенцијата „Русија севодња“.
