Најмалку пет лица загинаа во експлозија на возило среде пазар во северна Сирија.
Сириската новинска агенција „Сана“ објави дека возилото било натоварено со експлозив и експлодирало во селото Сулук, близу границата со Турција.
АП пренесува дека уште неколку лица се повредени.
За експлозијата се известени Сириската национална коалиција, со седиште во Турција, и Сириската опсерваторија за човекови права, со седиште во Велика Британија, која наведува дека 20 лица се повредени.
Сулук се наоѓа под контрола на борци поддржани од Турција и се наоѓа во близина на пограничниот град Тал Абџад во провинцијата Рака.
