Пушењето во автомобил му предизвикало голем проблем на возач, кој користел спреј за освежување на воздухот пред да запали цигара. Така, тој предизвикал експлозија која целосно го уништила автомобилот и му го загрозила животот.
Инцидентот се случил во саботата, на 14. декември, пред очите на бројните минувачи на прометна улица во англискиот град Халифакс.
Локалните медиуми објавија дека експлозијата го уништила автомобилот. Од неа испукале стаклата на возилото, но и на некои објекти во близина.
„Седев во блискиот бар кога експлодираше автомобилот“, напишал еден корисник на „Твитер“.
Британски „Мирор“ известува дека, за среќа, возачот излегол од возилото само со полесни повреди.
Во полицискиот извештај се вели дека Британецот прво ја испрскал внатрешноста на автомобилот со освежувач за воздухот, а потоа запалил цигара што предизвикало експлозијата бидејќи претходно не го проветрил возилото.
A car explosion in Halifax Town Centre. What an enormous bang. I was in an adjacent bar.
Emergency services on scene in moments @WYFRS @WYP_Halifax @CMBC_CSRT @YorksAmbulance
Unbelievably the driver just climbed out. Thankfully there appears to be no injuries. #Calderdale pic.twitter.com/1yQkbndIjn— Craig Chew-Moulding (@CraigMoulding) December 14, 2019
Возачот со полесни повреди го напуштил автомобилот, а прва помош му била укажана на местото на инцидентот. Улицата каде се случила експлозијата била блокирана за да се изврши увид.
„Автомобилот буквално експлодираше пред мојот стан. Целата зграда се стресе и прозорците затреперија“, ја опиша експлозијата жител на Халифакс.
