Европската фудбалска федерација (УЕФА) го објваи идеалниот тим избран од играчите кои настапуваа во квалификациите за ЕП-2020 година. Во идеалниот тим нема ниту еден фудбалер од македонската репрезентација. Изненадувачки е и тоа што во најдобриот тим немаше место ниту за Кристијано Роналдо кој постигна неверојатни 11 гола на 8 натпревари за Португалија.
На голот се наоѓа Украинецот Пјатов, во одбраната се: Рамос, Демирал, и Сигурдсон, среден ред: Кусулус од Грција, Бернардо Силва од Португалија, Вијналдум од Холандија и Захави од Израел, напад: Кејн и Стерлинг од Англија и Холанѓанецот Депај.
